ഗീതഗോവിന്ദം

ഗീതഗോവിന്ദം

ജയദേവകവി

സര്‍ഗ്ഗം 1 സാമോദദാമോദരഃ

ശ്ലോകം - ഒന്ന്

മേഘൈര്‍മേദുരമംബരം, വനഭൂവഃ ശ്യാമാസ്തമാലദ്രുമൈഃ

നക്തം ഭീരുരയം, ത്വമേവ തദിമം രാധേ, ഗൃഹം പ്രാപയ

ഇഥം നന്ദനിദേശശ്ചലിതയോഃ പ്രത്യദ്ധ്വകുഞ്ജബ്രുമം

രാധാമാധവയോഃ ജയന്തി യമുനാകൂലേ രഹഃ കേളയഃ

ശ്ലോകം രണ്ട്

വാഗ്ദേവതാചരിതചിത്രിതചിത്തസത്മാ

പത്മാവതീചരണചാരണചക്രവര്‍ത്തി

ശ്രീവാസുദേവരതികേളികഥാസമേതം

ഏതം തനോതി ജയദേവകവി:പ്രബന്ധം.

ശ്ലോകം - മൂന്ന്

യദി ഹരിസ്മരണേ സരസം മനോ

യദി വിലാസകലാസു കുതൂഹലം

മധുരകോമളാന്തപദാവലീം

ശൃണു സദാ ജയദേവസരസ്വതീം.

ശ്ലോകം - നാല്

വാചഃ പല്ലവയത്യുമാപതിധരഃ സന്ദര്‍ഭശുദ്ധിം ഗിരാം

ജാനീതേ ജയദേവ ഏവ ചരണശ്ലാഘ്യോ ദുരുഹാദൃതേ

ശൃംഗാരോത്തര സത്പ്രമേയ രചനൈഃ ആചര്യഗോവര്‍ദ്ധന

സ്പര്‍ദ്ധീ കോപി ന വിശ്രുത ശ്രുതിധരോ ധോയീ-കവിക്ഷമാപതിഃ

അഷ്ടപദി - ഒന്ന്

പ്രളയ പയോധിജലേ, കൃഷ്ണ! ധൃതവാനസി വേദം

വിഹിതവഹിത്രചരിത്രമഖേദം കേശവധൃത! മീനശരീര

ജയജഗദീശഹരേ! കൃഷ്ണ! കൃഷ്ണ! ജയജഗദീശഹരേ

ക്ഷിതിരതി വിപുലതരേ ഹരേകൃഷ്ണ!തവ തിഷ്ഠതിപ്രൃഷ്ഠേ

ധരണിധരണകിണ ചക്രഗരിഷ്ഠേ കേശവധൃത-

കച്ഛപരൂപ!ജയ ജഗദീശഹരേ, ഹരേകൃഷ്ണ! ജയ

വസതി ദശനശിഖരേ- ഹരേകൃഷ്ണ! ധരണീ തവ ലഗ്നാ

ശശിനി കളങ്കകലേവ നിമഗ്നാ കേശവ ധൃത-

സൂകരരൂപ! ജയ ജഗദീശഹരേ കൃഷ്ണ ജയ ജഗദീശ.

തവകരകമലവരേ കൃഷ്ണ! നഖമത്ഭുതശൃംഗം

ദളിത ഹിരണ്യകശിപുതനുഭൃംഗം കേശവ ധൃത-

നരഹരിരൂപ! ജയ ജഗദീശ ഹരേ കൃഷ്ണ ജയ ജഗദീശ.

ഛലയസി വിക്രമണേ കൃഷ്ണ! ബലിമത്ഭുതവാമന

പദനഖനീരജനിത ജനപാവന കേശവ, ധൃത-

വാമനരൂപ, ജയ ജഗദീശ, ഹരേ കൃഷ്ണ! ജയ ജഗദീശ.

ക്ഷത്രിയ രുധിരമയേ കൃഷ്ണ! ജഗദപഗതപാപം

സ്നപയസി പയസി ശമിതഭവതാപം കേശവ ധൃത-

ഭൃഗുപതിരൂപ! ജയ ജഗദീശഹരേ, കൃഷ്ണ! ജയ ജഗദീശ.

വിതരസി ദിക്ഷുരണേ കൃഷ്ണ! ദിക്പതി കമനീയം

ദശമുഖമൌലിബലിം രമണീയം കേശവധൃത-

രഘുപതിരൂപ! ജയ ജഗദീശഹരേ കൃഷ്ണ!ജയ ജഗദീശ.

വഹസി വപുഷി വിശദേ കൃഷ്ണ! വസനം ജലദാഭം

ഹലഹതിഭീതിമിളിത യമുനാഭം കേശവ ധൃത-

ഹലധരരൂപ!ജയ ജഗദീശഹരേ കൃഷ്ണ!ജയ ജഗദീശ.

നിന്ദസി യജ്ഞ വിധേ കൃഷ്ണ ! അഹഹ ശ്രുതിജാതം

സദയഹൃദയദര്‍ശിതപശുഘാതം കേശവധൃത-

ബുദ്ധശരീര! ജയ ജഗദീശ, ഹരേ കൃഷ്ണ! ജയ ജഗദീശ.

മ്ലേച്ഛനിവഹനിധനേ കൃഷ്ണ! കലയസി കരവാളം

ധൂമകേതുമിവ കിമപി കരാളം കേശവ, ധൃത-

ഖള്‍ഗിശരീര! ജയജഗദീശഹരേ കൃഷ്ണ! ജയ ജഗദീശ.

ശ്രീജയദേവകവേഃകൃഷ്ണ! ഇദമുദിതമുദാരം

ശൃണു ശുഭദം സുഖദം ഭവസാരം കേശവ, ധൃത

ദശവിധരൂപ ജയ ജഗദീശ ഹരേ കൃഷ്ണ ! ജയ ജഗദീശഹരേ.

ശ്ലോകം -അഞ്ച്

വേദാനുദ്ധരതേ ജഗന്നിവഹതേ ഭ്രൂഗോളമുദ്വിഭ്രതേ,

ദൈത്യം ദാരയതേ ബലിം ഛലയതേ ക്ഷത്രക്ഷയം കുര്‍വ്വതേ

പൌലസ്ത്യം ജയതേ ഹലം കലയതേ കാരുണ്യമാതന്വതേ

മ്ലേച്ഛാന്‍ മൂര്‍ച്ഛയതേ ദശാകൃതികൃതേ കൃഷ്ണായ തുഭ്യം നമഃ

അഷ്ടപദി - രണ്ട്

ശ്രിതകമലാകുചമണ്ഡല ധൃതകുണ്ഡല ശ്രീകൃഷ്ണ!

കലിത ലളിതവനമാല-ജയജയ ദേവഹരേ.

ദിനമണി മണ്ഡലമണ്ഡന! ഭവഖണ്ഡന ശ്രീകൃഷ്ണ!

മുനിജനമാനസസഹംസ! ജയ ജയ ദേവഹരേ!

കാളിയവിഷധരഭഞ്ജന! ജനരഞ്ജന ശ്രീകൃഷ്ണ!

യദുകുലനളിനദിനേശ! ജയജയ ദേവഹരേ!

മധുമുരനരകവിനാശന, ഗരുഡാസന ശ്രീകൃഷ്ണ!

സുരകുലകേളിനിദാന ജയ ജയ ദേവഹരേ!

അമലകമല ദളലോചന, ഭവമോചന ശ്രീകൃഷ്ണ!

ത്രിഭുവനഭവനനിധാന ജയജയ ദേവഹരേ!

ജനകസുതാകുചഭൂഷണ ജിതഭൂഷണ ശ്രീകൃഷ്ണ!

സമരശമിതദശകണ്ഠ, ജയ ജയ ദേവ ഹരേ!

അഭിനവ ജലധരസുന്ദര ധൃതമന്ദര ശ്രീകൃഷ്ണ!

ശ്രീമുഖ ചന്ദ്രചകോര ജയജയ ദേവഹരേ!

ശ്രീജയദേവകവേരിദം കുരുതേ മുദം ശ്രീകൃഷ്ണ!

മംഗലമുജ്ജ്വലഗീതം ജയജയദേവഹരേ!

ശ്ലോകം - ആറ്

പത്മാപയോധരതടീ പരിരംഭലഗ്ന

കാശ്മീരമുദ്രിതമുരോ മധുസൂദനസ്യ

വ്യക്താനുരാഗമിവ ഖേലദനംഗഖേദ

സ്വേദാബുപൂരമനുപൊരയതു പ്രിയം വഃ

ശ്ലോകം -ഏഴ്

വസന്തേ വാസന്തീ കുസുമസുകുമാരൈരവയവൈഃ

ഭ്രമന്തീം കാന്താരേ ബഹുവിഹിതകൃഷ്ണാനുസരണാം

അമന്ദം കന്ദ്രപ്പജ്വരജനിത ചിന്താകുലതയാ

ചലദ്ബാധാം രാധാം സരസമിദമൂചേ സഹചരീ.

അഷ്ടപദി - 3

ലളിതവംഗലതാപരിശീലന കോമളമലയസമീരേ

മധുകരനികരകരംബിത കോകില കൂജിത കുഞ്ജകുടീരേ

വിഹരതി ഹരിരിവ സരസവസന്തേ നൃത്യതി

യുവതിജനേന സമം സഖി വിരഹിജനസ്യ ദുരന്തേ

ഉന്മദമദനമനോരഥപഥികവധൂജനജനിതവിലാപേ

അളികുലസങ്കുലകുസുമസമൂഹനിരാകുലബകുളകലാപേ

മൃഗമദസൌരഭരഭസവശംവദ നവദളമാലതമാലേ

യുവജനഹൃദയവിദാരണമനസിജനഖരുചികിംശുകജാലേ

മദനമഹീപതികനകദണ്ഡരുചികേസരകുസുമവികാസേ

മിളിതശിലീമുഖ പാടലപടലകൃതസ്മരതൂണവിലാസേ

വിഗളിതലജ്ജിതജഗദവലോകനതരുണകരുണകൃതഹാസേ

വിരഹിനികൃന്തന കുന്തമുഖാകൃതി കേതകിദന്തുരിതാശേ

മാധവികാപരിമളലളിതേ നവമാലികയാതിസുഗന്ധൌ

മുനിമനസാമപി മോഹനകാരിണിതരുണാകാരണബന്ധൌ

സ്ഫുരദതിമുക്തലതാപരിരംഭണമുകുളിത പുളകിത ചൂത്

വൃന്ദാവനവിപിനേ പരിസരപരിഗതയമുനാജലപൂതേ

ശ്രീജയദേവ ഭണിതമിദമുദയതു ഹരിചര്‍ണസ്മൃതിസാരം

സരസവസന്തസമയവനവര്‍ണ്ണനമനുഗതമദനവികാരം

ശ്ലോകം - എട്ട്

ദരവിദലിതമല്ലീവല്ലീ ചഞ്ചല്‍‌പരാഗ

പ്രകടിതപടവാസൈഃ വാസയന്‍ കാനനാനി

ഇഹ ഹി ദഹതി ചേതഃ കേതകീഗന്ധബന്ധു:

പ്രസരദസമബാണപ്രാണവല്‍ഗന്ധവാഹ:

ശ്ലോകം - ഒമ്പത്

ഉന്മീലന്മധുഗന്ധമുഗ്ധമധുപവ്യാധൂത ചൂതാങ്കുര

ക്രീഡല്‍ കോകില കാകളീകളരവൈഃ ഉല്‍ഗീര്‍ണ്ണ കര്‍ണ്ണജ്വരാഃ

നീയന്തേ പഥികൈഃ കഥം കഥമപിധ്യാനാവധാനക്ഷണ-

പ്രാപ്ത പ്രാണസമാഃസമാഗമരസോല്ലാസൈഃ അമീ വാസരാഃ

ശ്ലോകം - പത്ത്

അനേകനാരീപരൊരംഭസംഭ്രമ

സ്ഫുരന്മനോഹാരി വിലാസലാലസം

മുരാരിമാരാദുപദര്‍ശയന്ത്യസൌ

സഖീസമക്ഷം പുനരാഹ രാധികാം.

അഷ്ടപദി -നാല്

ചന്ദനചര്‍ച്ചിത നീലകളേബര പീതവസനവനമാലീ

കേളിചലന്മണികുണ്ഡലമണ്ഡിതഗണ്ഡയുഗസ്മിതശാലീ,

ഹരിരിഹ മുഗ്ദ്ധവധൂനികരേ വിലാസിനി വിലസതി കേളിപരേ

പീനപയോധരഭാരഭരണേ ഹരിം പരിരഭ്യസരാഗം

ഗോപവധൂരനുഗായതി കാചിദുദഞ്ചിത പഞ്ചമരാഗം

കാപി വിലാസവിലോലവിലോചനഖേലജനിതമനോജം

ധ്യായതി മുഗ്ദ്ധവധൂരധികം മധുസൂദനവദനസരോജം

കാപി കപോലതലേ മിളിതാ ലപിതും കിമപി ശ്രുതിമൂലേ

ചാരുചുചുംബനിതംബവതീദയിതം പുളകൈരനുകൂലേ

കേളികലാകുതുകേന ച കാചിദമും യമുനാവനകൂലേ

മഞ്ജുള വഞ്ജുളകുഞ്ജഗതം വിചകര്‍ഷ കരേണ ദുകൂലേ

കരതലതാളതരളവലയാവലികലിത കളസ്വന വംശേ

രാസരസേ സഹ നൃത്യപരാ ഹരിണായുവതി: പ്രശശംസേ

ശ്ലിഷ്യതി കാമപി ചുംബതി കാമപി കാമപി രമയതി രാമാം

പശ്യതി സസ്മിതചാരുപരാമപരാമനുഗച്ഛതി വാമാം

ശീജയദേവഭണിതമിദമത്ഭുതകേശവകേളി രഹസ്യം

വൃന്ദാവനവിപിനേചരിതം വിതനോതു ശുഭാനി യശസ്യം

ശ്ലോകം - പതിനൊന്ന്

വിശ്വേഷാമനുരഞ്ജനേന ജനയന്നാനന്ദമിന്ദീവര-

ശ്രേണീശ്യാമളകോമളൈരുപനയന്നംഗൈരനംഗോത്സവം

സ്വച്ഛന്ദം വ്രജസുന്ദരീഭിരഭിതഃ പ്രത്യംഗമാലിംഗിതഃ

ശൃംഗാരഃ സഖിമൂര്‍ത്തിമനിവ മധൌ മുഗ്ധോ ഖരിക്രീഡതി

ശ്ലോകം - പന്ത്രണ്ട്

അദ്യോത്സംഗവസത് ഭുജംഗകബളക്ലേശാദിവേശാചല

പ്രാലേയ പ്ലവനേച്ഛയാനുസരതി ശ്രീഖണ്ഡ ശൈലാനില:

കിഞ്ചില്‍ സ്നിഗ്ദ്ധരസാള മൌലിമുകുളാന്യാലോക്യ ഹര്‍ഷോദയാല്‍

ഉന്മീലന്തി കുഹു കുഹുരിതി കളോത്താളാ:പികാനാം ഗിര:

ശ്ലോകം- പതിമൂന്ന്

രാസോല്ലാസഭരേണ വിഭ്രമഭൃതാമാഭീരവാമഭ്രുവാ-

മഭ്യര്‍ണ്ണ പരിരഭ്യ നിര്‍ഭരമുര:പ്രേമാന്ധയാ രാധയാ

സാധു ത്വദ്വദനം സുധാമയമിതിവ്യാഹൃത്യ ഗീതസ്തുതിം

വ്യാജാലിംഗിത ചുംബിത സ്മിതമനോഹാരീ ഹരി:പാതു വഃ

സര്‍ഗ്ഗം- രണ്ട് - അക്ലേശ കേശവഃ

ശ്ലോകം - പതിനാല്

വിഹരതിവനേ രാധാ സാധാരണപ്രണയേ ഹരൌ

വിഗളിതനിജോല്‍കര്‍ഷാദീര്‍ഷ്യാവശേന ഗതാന്യത:

ക്വചിദപി ലതാകുഞ്ജേ ഗുഞ്ജന്മധുവ്രതമണ്ഡലീ-

മുഖരശിഖരേ ലീനാ ദീനാപ്യുവാച രഹ:സഖിം.

അഷ്ടപദി - അഞ്ച്

സഞ്ചരധരസുധാമധുരധ്വനി- മുഖരിത മോഹനവംശം

ചലിതദൃഗഞ്ചലചഞ്ചല മൌലി- കപോല വിലോലവതംസം

രാസേ ഹരിമിഹ വിഹിതവിലാസം സ്മരതി മനോമമകൃതപരിഹാസം.

ചന്ദ്രക ചാരുമയൂരശിഖണ്ഡക മണ്ഡല വലയിതകേശം

പ്രചുരപുരന്ദരധനുരനുരഞ്ജിതമേദുരമുദിരസുവേഷം

ഗോപകദംബനിതംബവതീ മുഖചുംബന ലംഭിതലോഭം

ബന്ധുജീവമധുരാധര പല്ലവ കലിതദരസ്മിതശോഭം

വിപുലപുളകഭുജപല്ലവ വലയിത വല്ലവയുവതിസഹസ്രം

കരചരണോരസി മണിഗണഭൂഷണ, കിരണവിഭിന്നതമിസ്രം

ജലദപടലചലദിന്ദുവിനിന്ദക ചന്ദനതിലകലലാടം

പീനപയോധരപരിസരമര്‍ദ്ദനനിര്‍ദ്ദയ ഹൃദയകവാടം

മണിമയമകരമനോഹരകുണ്ഡലമണ്ഡിതഗണ്ഡമുദാരം

പീതവസനമനുഗതമുനിമനുജസുരാസുരവരപരിവാരം

വികചകദംബതലേ മിളിതം കലികലുഷ ഭയം ശമയന്തം

മാമപി കിമപി തരംഗദനംഗദൃശാ വപുഷാ രമയന്തം

ശ്രീജയദേവഭണിതമതിസുന്ദരമോഹന മധുരിപുരൂപം

ഹരിചരണസ്മരണം പ്രതിസമ്പ്രതി പുണ്യവതാമനുരൂപം

ശ്ലോകം - പതിനഞ്ച്

ഗണയതി ഗുണഗ്രാമം ഭ്രാമംഭ്രമാദപി നേഹതേ

വഹതി ച പരിതോഷം ദോഷം വിമുഞ്ചതി ദൂരതഃ

യുവതിഷു ചലത്തൃഷ്ണേ കൃഷ്ണേ വിഹാരിണി മാംവിനാ

പുനരപി മനോവാമം കാമം കരോതി കരോമി കിം

അഷ്ടപദി - ആറ്

നിഭൃതനികുഞ്ജഗൃഹം ഗതയാ നിശി രഹസി നിലീയ വസന്തം

ചകിതവിലോകിതസകലദിശാ രതിരഭസഭരേണഹസന്തം

സഖി ഹേ! കേശിമഥനമുദാരം

രമയ മയാ സഹ മദനമനോരഥ ഭാവിതയാ സവികാരം

പ്രഥമസമാഗമലജ്ജിതയാപടു ചാടുശതൈരനുകൂലം

മൃദുമധുരസ്മിതഭാഷിതയാ ശിഥിലീകൃതജഘനദുകൂലം

കിസലയശയനനിവേശിതയാ ചിരമുരസിമമൈവശയാനം

കൃതപരിരംഭണചുംബനയാ പരിരഭ്യകൃതാധരപാനം

അലസനിമീലിതലോചനയാ പുളകാവലിലളിതകപോലം

ശ്രമജലസകലകളേബരയാ വരമദനമദാദതിലോലം

കോകിലകളരവകൂജിതയാ ജിതമനസിജതന്ത്രവിചാരം

ശ്ലഥകുസുമാകുലകുന്തളയാ നഖലിഖിതഘനസ്തനഭാരം

ചരണരണിതമണിനൂപുരയാ പരിപൂരിതസുരതവിതാനം

മുഖര വിശൃംഖലമേഖലയാ സകചഗ്രഹചുംബനദാനം

രതിസുഖസമയരസാലസയാ ദരമുകുളിതനയനസരോജം

നിസ്സഹനിപതിതതനുലതയാ മധുസൂദനമുദിതമനോജം

ശ്രീജയദേവഭണിതമിദമതിശയമധുരിപുനിധുവനശീലം

സുഖമുല്‍കണ്ഠിതരാധികയാ കഥിതം വിതനോതുസലീലം

ശ്ലോകം - പതിനാറ്

ഹസ്തസ്രസ്ത വിലാസവംശമനൃജുഭ്രുവല്ലിമദ്വല്ലവീ

വൃന്ദോത്സാരിദൃഗന്തവീക്ഷിതമതിസ്വേദാര്‍ദ്രഗണ്ഡസ്ഥലം

മാമുദ്വീക്ഷ വിലജ്ജിതം സ്മിതസുധാമുഗ്ദ്ധാനനം കാനനേ

ഗോവിന്ദം വ്രജസുന്ദരീഗണവൃതം പശ്യാമി ഹൃഷ്യാമി ച.

ശ്ലോകം - പതിനേഴ്

ദുരാലോകസ്തോകസ്തബകനവകാശോക ലതികാ

വികാസഃ കാസാരോപവനപവനോപി വ്യഥയതി

അപ്രിഭ്രാമ്യല്‍ ഭൃംഗീരണിതരമണീയാ ന മുകുള

പ്രസൂതിശ്ചൂതാനാം സഖി ശിഖരണീയം സുഖയതി

ശ്ലോകം - പതിനെട്ട്

സാകൂതസ്മിതമാകുലാകുലഗളദ്ധമില്ലമുല്ലാസിത

ഭ്രുവല്ലീകമളീകദര്‍ശിത ഭുജാമൂലാര്‍ദ്ധദൃഷ്ടസ്തനം

ഗോപീനാംനിഭൃതം നിരീക്ഷ്യ ദയിതാകാംക്ഷശ്ചിരം ചിന്തയന്‍

അന്തര്‍മ്മുഗ്ദ്ധമനോഹരോ ഹരതു വഃ ക്ലേശംനവം കേശവഃ

ശ്ലോകം - പത്തൊന്‍പത്

കംസാരിരപി സംസാര വാസനാബദ്ധശൃംഖലാം

രാധാമാധായ ഹൃദയേ തത്യാജ വ്രജസുന്ദരീഃ

ശ്ലോകം - ഇരുപത്

ഇതസ്തതസ്താം അനുസൃത്യ രാധികാമനംഗബാണ വ്രണഖിന്നമാനസഃ

കൃതാനുതാപസ്സകളിന്ദനന്ദിനീതടാന്തകുഞ്ജേ നിഷസാദമാധവഃ

അഷ്ടപദി - ഏഴ്

മാമിയംചലിതാവിലോക്യ വൃതം വധൂനിചയേന

സാപരാധതയാ മയാപിന വാരിതാതിഭയേന

ഹരിഹരി ഹതാദരതയാ സാ ഗതാ കുപിതേവ ഹരിഹരി

കിംകരിഷ്യതി കിംവദിഷ്യതി സാചിരംവിരഹേണ

കിംധനേന ജനേനകിം മമ ജീവിതേന ഗൃഹേണ ഹരിഹരി

ചിന്തയാമി തദാനനം കുടിലഭ്രുകോപഭരേണ

ശോണപത്മമിവോപരിഭ്രമതാകുലംഭ്രമരേണ ഹരി

താമഹം ഹൃദി സംഗതാമനിശംഭൃശം രമയാമി

കിംവനേനുസരാമിതാമിഹ കിം വൃഥാവിലപാമി ഹരി

തന്വി ഖിന്നമസൂയയാ ഹൃദയംതവാകലയാമി

തന്ന വേദ്മി കുതോഗതാസിന തേന തേനുനയാമി ഹരി

ദൃശ്യസേ പുരതോ ഗതാഗതംവ മേ വിദധാസി

കിമ്പുരേവസസംഭ്രമം പരിരംഭണം ന ദദാസി ഹരി

ക്ഷമ്യതാമപരം കദാപി തവേദൃശം ന കരോമി

ദേഹി സുന്ദരി ദര്‍ശനം മമ മന്മഥേന ദുനോമി ഹരിഹരി

വര്‍ണ്ണിതം ജയദേവകേന ഹരേരിദം പ്രണതേന

കിന്ദുബില്വസമുദ്രസംഭവ രോഹിണീരമണേന ഹരി

ശ്ലോകം - ഇരുപത്തിയൊന്ന്

കുവലയദളശ്രേണീ കണ്ഠേ ന സാ ഗരളദ്യുതിഃ

ഹൃദി ബിസലതാഹാരോ നായം ഭുജംഗമനായകഃ

മലയജരജോനേദം ഭസ്മഃ പ്രിയാരഹിതേ മയി

പ്രഹര ന ഹരഭ്രാന്ത്യാനംഗ കൃധാ കിമു ധാവസി

ശ്ലോകം - ഇരുപത്തിരണ്ട്

പാണൌമാകുരു ചൂതസായകമമും മാ ചാപമാരോപയ

ക്രീഡാനിര്‍ജ്ജിത വിശ്വമൂര്‍ച്ഛിതജനാഘാതേന കിം പൌരുഷം

തസ്യാ ഏവ മൃഗീദൃശ്യോ മനസിജ പ്രേംഖദ് കടാക്ഷാശുഗ

ശ്രേണീജര്‍ജ്ജരിതം മനാഗപിമനോനാദ്യാപിസന്ധുക്ഷതേ

ശ്ലോകം - ഇരുപത്തിമൂന്ന്

ഭ്രൂചാപേ നിഹിതഃ കടാക്ഷവിശിഖോ നിര്‍മാതു മര്‍മ്മവ്യഥാം

ശ്യാമാത്മാ കുടിലഃ കരോതു കബരീഭാരോപി മാരോദ്യമം

മോഹംതാവദയംചതന്വിതനുതാംബിംബാധാരോ രാഗവാന്‍

സദ്വൃത്തഃ സ്തനമണ്ഡലസ്തവ കഥം പ്രാണൈഃ മമ ക്രീഡതി

ശ്ലോകം - ഇരുപത്തിനാല്

താനീസ്പര്‍ശസുഖാനി തേ ച തരളഃ സ്നിഗ്ദ്ധാ ദൃശോവിഭ്രമാ

സ്ത്വദ്വക്ത്രാംബുജസൌരഭം ച, സ സുധാസ്യന്ദീഗിരാം വക്രിമാ

സാ ബിംബാധരമാധുരീതി വിഷയാസംഗേപിചേല്‍ മാനസം

തസ്യാം ലഗ്നസമാധി ഹന്തഃ വിരഹവ്യാധിഃ കഥംവര്‍ത്തതേ

ശ്ലോകം - ഇരുപത്തിയഞ്ച്

ഭ്രൂവല്ലരീധനുരപാംഗതരംഗിതാനി

ബാണാഗുണശ്രവണപാളിരിതിസ്മരണേ

തസ്യാമനംഗജയജംഗമ ദേവതായാ

മസ്ത്രാണി നിര്‍ജ്ജിതജഗന്തി കിമര്‍പ്പിതാനി

ശ്ലോകം - ഇരുപത്തിയാറ്

തിര്യക്കണ്ഠവിലോല മൌലിതരളോത്തംസസ്യ വംശോച്ചലന്‍

ഗീതിസ്ഥാനകൃതാവധാന ലലനാലക്ഷൈര്‍ന്ന സം‌ലക്ഷിതാഃ

സമ്മുഗ്ദ്ധാഃ മധുസൂദനസ്യ മധുരേ രാധാമുഖേന്ദൌ മൃദുസ്പന്ദം

കന്ദളിതാശ്ചിരം ദധതു വഃ ക്ഷേമം കടാക്ഷോര്‍മയഃ

ശ്ലോകം - ഇരുപത്തിയേഴ്

യമുനാതീരവാനീരനികുഞ്ജേ മന്ദമാസ്ഥിതം

പ്രാഹ പ്രേമഭരോല്‍ഭ്രാന്തം മാധവം രാധികാസഖി.

അഷ്ടപദി എട്ട്

നിന്ദതി ചന്ദനമിന്ദുകിരണമനുവിന്ദതി ഖേദമധീരം

വ്യാളനിലയമിളനേന ഗരളമിവ കലയതി മലയസമീരം

സാ വിരഹേ തവ ദീനാ മാധവ, മനസിജവിശിഖഭയാദിവ ഭാവനയാ ത്വയി ലീനാ

അവിരളനിപതിതമദനശരാദിവ ഭവദവനായ വിശാലം

സ്വഹൃദയമര്‍മ്മണി വര്‍മ്മകരോതി സജലനളിനീ ദളജാലം.

കുസുമവിശിഖശരതല്പമനല്പവിലാസകലാകമനീയം

വ്രതമിവതവപരിരംഭസുഖായ കരോതി കുസുമശയനീയം.

വഹതിച ഗളിതവിലോചനജലധരമാനനകമലമുദാരം

വിധുമിവ വികടവിധുന്ദുദ ദന്തദലന ഗളിതാമൃതധാരം

വിലിഖതി രഹസി കുരംഗമദേന ഭവന്തമസമശരഭൂതം

പ്രണമതിമകരമേധോവിനിധായ കരേ ച ശരം നവചൂതം.

ധ്യാനലയേന പുരാ പരികല്പ്യ ഭവന്തമതീവ ദുരാപം

വിലഹതി ഹസതി വിഷീദതി രോദിതി ചഞ്ചതി മുഞ്ചതി താപം

പ്രതിപദമിദമപി നിഗദതി മാധവ! ചരണേ പതിതാഹം

ത്വയി വിമുഖേ മയി സപദി സുധാനിധി രപിതനുതേ തനുദാഹം

ശ്രീജയദേവഭണിതമിദമധികം യദി മനസാനടനീയം

ഹരിവിരഹാകുലവല്ലവയുവതി സഖീവചനം പഠനീയം

ശ്ലോകം - ഇരുപത്തിയെട്ട്

ആവാസോ വിപിനായതേ പ്രിയസഖീമാലാപി ജാലായതേ

താപോ നിശ്വസിതേന ദാവദഹനജ്വാലാകലാപായതേ

സാപി ത്വദ്വിരഹേണ ഹന്ത! ഹരിണീരൂപായതേ ഹാ കഥം

കന്ദര്‍പ്പോപി, യമായതേ വിരചയന്‍ ശാര്‍ദ്ദൂലവിക്രീഡിതം.

അഷ്ടപദി - ഒമ്പത്

സ്തനവിനിഹിതമപി ഹാരമുദാരം

സാ മനുതേ കൃശതനുരതിഭാരം

രാധികാ കൃഷ്ണാ! രാധികാ തവ വിരഹേ! കേശവ

സരസമസൃണമപി മലയപങ്കജം

പശ്യതി വിഷമിവ വപുഷി സശങ്കം

ശ്വസിതപവനമനുപമ പരിണാഹം

മദനദഹനമിവ വഹതി സദാഹം

ദിശി ദിശി കിരതി സജലകണജാലം

നയന നളിനമിവ വിഗളിതനാളം

നയന വിഷയമപി കിസലയതല്പം

കലയതി വിഹിതഹുതാശനകല്പം

ത്യജതി ന പാണിതലേന കപോലം

ബാലശശിനമിവ സായമലോലം

ഹരിരിതി ഹരിരിതി ജപതി സകാമം

വിരഹവിഹിതമരണേവ നികാമം

ശ്രീജയ ദേവഭണിതമിതി ഗീതം

സുഖയതു കേശവപദമുപനീതം

ശ്ലോകം - ഇരുപത്തിയൊമ്പത്

സ്മരാതുരാം ദൈവതവൈദ്യഹൃദ്യ

ത്വദംഗസംഗാമൃതമാത്രസാദ്ധ്യാം

വിമുക്തബാധാം കുരുഷേ ന രാധാം

ഉപേന്ദ്രവജ്രാദപി ദാരുണോസി

ശ്ലോകം - മുപ്പത്

സാ രോമാഞ്ചതി സീല്‍ക്കരോതി വിലപത്യുത്കമ്പതേ താമ്യതി

ധ്യായത്യുല്‍ഭ്രമതിപ്രമീലതിപതത്യുദ്യാതിമൂര്‍ച്ഛത്യപി

ഏതാവത്യതനുജ്വരേ വരതനുര്‍ജ്ജീവേന്ന കിന്തേരസാല്‍

സ്വര്‍വൈദ്യപ്രതിമ പ്രസീദസി യദി ത്യക്തോന്യഥാ ഹസ്തകഃ

ശ്ലോകം - മുപ്പത്തിയൊന്ന്

കന്ദര്‍പ്പജ്വരസജ്വരാതുരതനോരത്യര്‍ത്ഥമസ്യാശ്ചിരം

ചേതശ്ചന്ദനചന്ദ്രമഃ കമലിനീചിന്താസുസംതാമ്യതി

കിന്തു ക്ലാന്തിവശേന ശീതളതനുംത്വാമേകമേവപ്രിയം

ധ്യായന്തീരഹസി സ്ഥിതാകഥമപിക്ഷീണാക്ഷണം പ്രാണിതി.

ശ്ലോകം - മുപ്പത്തിരണ്ട്

ക്ഷണമപി വിരഹഃ പുരാ ന സേഹെ

നയനനിമീലനഖിന്നയാ യയാ, തേ

ശ്വസിതി കഥമസൌ രസാളശാഖാം

ചിരവിരഹേപി വിലോക്യപുഷ്പിതാഗ്രാം.

ശ്ലോകം - മുപ്പത്തിമൂന്ന്

വൃഷ്ടിവ്യാകുല ഗോകുലാവനരസാല്‍ ഉദ്ധൃത്യഗോവര്‍ദ്ധനം

ബിഭ്രദ്വല്ലവവല്ലഭാഭിരധികാനന്ദാച്ചിരം ചുംബിതഃ

കന്ദര്‍പ്പേണതദര്‍പ്പിതാധരതടീസിന്ദൂരമുദ്രാംഗിതോ

ബാഹുഃ ഗോപപതേസ്തനോതു ഭവതാം ശ്രേയാംസി കംസദ്വിഷഃ

സര്‍ഗ്ഗം - അഞ്ച്- സാകാംക്ഷഃപുണ്ഡരീകാക്ഷഃ

ശ്ലോകം - മുപ്പത്തിനാല്

അഹമിഹ നിവസാമി യാഹി രാധാം

അനുനയ മദ്വചനേന ചാനയേഥാഃ

ഇതിമധുരിപുണാ സഖീ നിയുക്താ

സ്വയമിദമേത്യ പുനര്‍ജ്ജഗാദ രാധാം.

അഷ്ടപദി - പത്ത്

വഹതി മലയസമീരേ രാധേ മദനമുപനിധായ

സ്ഫുടതി കുസുമനികരേ രാധേ വിരഹിഹൃദയദളനായ

തവ വിരഹേ വനമാലി സഖിസീദതിരാധേ

ദഹതി ശിശിരമയൂഖേ രാധേ മരണമനുകരോതി

പതതി മദനവിശിഖേ രാധേ വിലപതി വികലതരോതി

ധ്വനതി മധുപസമൂഹേ രാധേ ശ്രവണമപി ദധാതി

മനസിചലിതവിരഹേ രാധേ നിശിനിശിരുജമുപയാതി

വസതി വിപിനവിതാനേ രാധേ ത്യജതിലളിതമപിധാമ

ലുഠതി ധരണിശയനേ രാധേ ബഹുവിലപതി തവനാമ

ഭണതി കവിജയദേവേ രാധേ വിരഹവിലസിതേന

മനസിരഭവിഭവേ രാധേ ഹരിരുദയതു സുകൃതേന

ശ്ലോകം - മുപ്പത്തിയഞ്ച്

പൂര്‍വ്വം യത്ര സമം ത്വയാ രതിപതേരാസാദിതാഃസിദ്ധയഃ

തസ്മിന്നേവനികുഞ്ജമന്മഥമഹാതീര്‍ത്ഥേ പുനര്‍മ്മാധവഃ

ധ്യായം സ്ത്വാമനിശം ജപന്‍ അപി തവൈവാലാപ മന്ത്രാവലിം

ഭ്രൂയസ്ത്വല്‍കുചകുംഭനിര്‍ഭരപരീരംഭാമൃതം വാഞ്ഛതി.

അഷ്ടപദി - പതിനൊന്ന്

രതിസുഖസാരേ ഗതമഭിസാരേ മദനമനോഹരവേഷം

ന കുരു നിതംബിനിഗമനവിളംബന മനുസര തംഹൃദയേശം

ധീരസമീരേ യമുനാതീരേ വസതിവനേ വനമാലീ

ഗോപീപീനപയോധരമര്‍ദ്ദന ചഞ്ചലകരയുഗശാലീ

നാമസമേതം കൃതസങ്കേതം വാദയതേ മൃദുവേണും

ബഹുമനുതേതനുതേ തനുസംഗതപവനചലിതമപിരേണും

പതതി പതത്രേ വിചലതിപത്രേ ശങ്കിതഭവദുപയാനം

രചയതിശയനം സചകിതനയനം പശ്യതി തവ പന്ഥാനം

മുഖരമധീരംത്യജമഞ്ജീരംരിപുമിവകേളിഷുലോലം

ചലസഖി കുഞ്ജം സതിമിരപുഞ്ജം ശീലയനീലനിചോളം

ഉരസി മുരാരേരുപഹിതഹാരേ ഘനൈവതരളവലാകേ

തഡിദിവ പീതേ രതിവിപരീതേ രാജസി സുകൃതവിപാകേ

വിഗളിതവസനം പരിഹൃതശനംഘടയ ജഘനമപിധാനം

കിസലയശയനേ പങ്കജനയനേ നിധിമിവഹര്‍ഷനിധാനം

ഹരിരഭിമാനി രജനിരിദാനീം ഇയമുപയാതി വിരാമം

കുരുമമവചനം സത്വരരചനം പൂരയമധുരിപുകാമം

ശ്രീജയദേവകൃതഹരിസേവേ ഭണതി പരമരമണീയം

പ്രമുദിതഹൃദയം ഹരിമതിസദയം നമത സുകൃതകമനീയം

ശ്ലോകം - മുപ്പത്തിയാറ്

വികിരതി മുഹുഃശ്വാസാനാശാഃപുരോമുഹുരീക്ഷതേ

പ്രവിശതി മുഹുഃകുഞ്ജംഗുഞ്ജന്മുഹുഃബഹുതാമ്യതി

രചയതി മുഹുഃശയ്യാം പര്യാകുലം മുഹുരീക്ഷതേ

മദനകദനക്ലാന്തഃ കാന്തേ! പ്രിയസ്തവവര്‍ത്തതേ

ശ്ലോകം - മുപ്പത്തിയേഴ്

ത്വദ്വാക്യേന സമം സമഗ്രമധുനാ തിംഗ്മാംശുരസ്തംഗതഃ

ഗോവിന്ദസ്യ മനോരഥേന ച സമം പ്രാപതംതമഃ സാന്ദ്രതാം

കോകാനാം കരുണസ്വനേന സദൃശീ ദീര്‍ഘാ മമാഭ്യര്‍ത്ഥനാ

തന്മുഗ്ദ്ധേവിഫലം വിളംബനമസൌരമ്യോഭിസാരക്ഷണഃ

ശ്ലോകം - മുപ്പത്തിയെട്ട്

ആശ്ലേഷാദനുചുംബനാദനുനഖോല്ലേഖാദനു സ്വാന്തജാല്‍

പ്രോല്‍ബോധാദനു സംഭ്രമാദനു രതാരംഭാദനുപ്രീതയോഃ

അന്യാര്‍ത്ഥംഗതയോഭ്രമാല്‍മിളിതയോഃ സംഭാഷണൈഃജാനതോ

ദംബത്യോരിവകോനു കോനു തമസിവ്രീളാവിമിശ്രോരസഃ

ശ്ലോകം - മുപ്പത്തിയൊമ്പത്

സഭയചകിതം വിന്യസ്യന്തീം ദൃശം തിമിരേ പഥി

പ്രതിതരു മുഹുസ്ഥിത്വാ മന്ദം പദാനി വിതന്വതീം

കഥമപിരഹഃ പ്രാപ്താമംഗൈരനംഗതരംഗിതൈഃ

സുമുഖി! സുഭഗഃപശ്യന്‍ സത്വാമുപൈതു കൃതാര്‍ത്ഥതാം

ശ്ലോകം - നാല്‍പ്പത്

രാധാമുഗ്ദ്ധ മുഖാരവിന്ദമധുപസ്ത്രൈലോക്യ മൌലിസ്ഥലീ

നേപഥ്യോചിത നീലരത്നമവനീഭാരാവതാരക്ഷമഃ

സ്വച്ഛന്ദം വ്രജസുന്ദരീജനമനസ്തോഷപ്രദോഷശ്ചിരം

കംസധ്വംസനധൂമകേതുരവതുത്വാം ദേവകീനന്ദനഃ

സര്‍ഗ്ഗം - ആറ് സോല്‍കണ്ഠവൈകുണ്ഠം

ശ്ലോകം - നാല്പത്തിയൊന്ന്

അഥതാം ഗന്തുമശക്താംചിരമനുരക്താം ലതാഗൃഹേ ദൃഷ്ട്വാ

തച്ചരിതം ഗോവിന്ദേ മനസിജമന്ദേ സഖീ പ്രാഹ

അഷ്ടപദി - പന്ത്രണ്ട്

പശ്യതി ദിശി ദിശി രഹസി ഭവന്തം

ത്വദധരമധുരമധൂനി പിബന്തം

നാഥ! ഹരേ ജഗന്നാഥഹരേ! സീദതി രാധാ വാസഗൃഹേ

ത്വദഭിസരണരഭസേന വലന്തീ

പതതി പദാനി കിയന്തി ചലന്തി

വിഹിതവിശദബിസകിസലയവലയാ

ജീവതിപരമിഹ തവരതികലയാ

മുഹുരവലോകിത മണ്ഡന ലീലാ

മധുരിപുരഹമിതി ഭാവനശീലാ

ത്വരിതമുപൈതിന കഥമഭിസാരം

ഹരിരിതിവദതി സഖീമനുവാരം

ശ്ലിഷ്യതി ചുംബതി ജലധരകല്പം

ഹരിരുപഗത ഇതി തിമിരമനല്പം

ഭവതി വിളംബിനി വിഗളിതലജ്ജാ

വിലപതിരോദിതി വാസകസജ്ജാ

ശ്രീജയദേവ കവേരിദമുദിതം

രസികജനം തനുതാമതിമുദിതം

ശ്ലോകം- നാല്പത്തിരണ്ട്

വിപുലപുളക പാളീഃ സ്ഫീതസീല്‍ക്കാരമന്തര്‍

ജനിതജഡിമ കാകുഃ വ്യാകുലം വ്യാഹരന്തീ

തവ കിതവ! വിധായാമന്ദകന്ദ്അര്‍പ്പചിന്താം

രസജലനിധിമഗ്നാ ധ്യാനലഗ്നാ മൃഗാക്ഷി.

ശ്ലോകം - നാല്‍പ്പത്തിമൂന്ന്

അംഗേഷ്വാഭരണം കരോതി ബഹുശഃപത്രേപി സഞ്ചാരിണീ

പ്രാപ്തം ത്വാം പരിശങ്കതേ വിതനുതേ ശയ്യാം ചിരം ധ്യായതി

ഇത്യാകല്പ വികല്പ തല്പരചനാസങ്കല്പ ലീലാശത

വ്യാസക്താപി വിനാ ത്വയാ വരതനുന്നേഷാ നിശാംനേഷ്യതി

ശ്ലോകം - നാല്‍പ്പത്തിനാല്

കിം വിശ്രാമ്യസി കൃഷ്ണ! ഭോഗിഭവനേ ഭാണ്ഡീരഭ്രൂമീരുഹി

ഭ്രാതഃ പാന്ഥ! ന ദൃഷ്ടിഗോചരമിതഃ സാനന്ദനന്ദാസ്പദം

രാധായാഃ വചനം തദധ്വഗമുഖാന്നന്ദാന്തികേ ഗോപതോ

ഗോവിന്ദസ്യ ജയന്തി സായമതിഥിപ്രാശസ്യ ഗര്‍ഭാ ഗിരഃ

സര്‍ഗ്ഗം - ഏഴ് - നാഗരീകനാരായണഃ

ശ്ലോകം - നാല്‍പ്പത്തിയഞ്ച്

അത്രാന്തരേച കുലടാകുലവര്‍ത്മപാത

സംജാതപാതക ഇവ സ്ഫുടലാഞ്ഛനശ്രീഃ

വൃന്ദാവനാന്തരമദീപയദംശുജാലൈഃ

ദിക്സുന്ദരീവദനചന്ദനബിന്ദുരിന്ദുഃ

ശ്ലോകം - നാല്പത്തിയാറ്

പ്രസരതിശശധരബിംബേ വിഹിതവിളംബേ ച മാധവേ

വിധുരാ വിരചിതവിവിധ വിലാപം സാ പരിതാപം ചകാരോച്ചൈഃ

അഷ്ടപദി - പതിമൂന്ന്

കഥിതസമയേപി ഹരിരഹഹ! ന യയൌ വനം

മമ വിഫലമിദമമലരൂപമപി യൌവനം

യാമിഹേ കമിഹശരണം സഖീജനവചനവഞ്ചിതാഹം

യദനുഗമനായ നിശി ഗഹനമപിശീലിതം

തേന മമ ഹൃദയമിദം അസമശരകീലിതം

മമ മരണംവവരം അതിവിതഥ കേതനാ

കിമിതി വിഷഹമി വിരഹാനലമചേതനാ

അഹഹ! കലയാമി ന വലയാദിമണിഭൂഷണം

ഹരിവിരഹദഹന വഹനേന ബഹുഭൂഷണം

മാമഹഹ! വിധുരയതി മധുരമധുയാമിനി

കാപി ഹരിമനുഭവതി കൃതസുകൃതകാമിനി

കുസുമ സുകുമാരതനു മതനുശരലീലയാ

സ്രഗപി ഹൃദി ഹന്തി മാം അതിവിഷമശീലയാ

അഹമിഹ നിവസാമി ന ഗണിതവനവേതസാ

സ്മരതി മധുസൂദനോ മാമപി ന ചേതസാ

ഹരിചരണശരണ ജയദേവകവിഭാരതീ

വസതു ഹൃദി യുവതിരിവ കോമളകലാവതി

ശ്ലോകം - നാല്‍പ്പത്തിയേഴ്

തല്‍കിം കാമപി കാമിനീമഭിസൃതഃ കിം വാ കലാകേളഭിഃ

ബദ്ധോബന്ധുഭിരന്ധകാരിണി വനോപാന്തേ കിമുല്‍ഭ്രാമ്യതി

കാന്തഃ ക്ലാന്തമാ മനാഗപി പഥി പ്രാസ്ഥാതുമേവാക്ഷമഃ

സങ്കേതീകൃതമഞ്ജുവഞ്ജുളലതാകുഞ്ജേപിയന്നാഗതഃ

ശ്ലോകം - നാല്‍പ്പത്തിയെട്ട്

അഥാഗതാം മാധവമന്തരണേ സഖീമിയം വീൿഷ്യ വിഷാദമൂകാം

വിശങ്കമാനാം രമിതം കയാപി ജനാര്‍ദ്ദനം ദൃഷ്ടവദേതദാഹ.

അഷ്ടപദി - പതിനാല്

സ്മരസമരോചിത വിരചിതവേഷാ

ഗളിതകുസുമഭരവിലുളിതകേശാ

കാപി മധുരിപുണാ വിലസതി യുവതിരധികഗുണാ

ഹരിപരിരംഭണ ചലിതവികാരാ

കുചകലശോപരി തരളിതഹാരാ

വിചലദളകലളിതാനന ചന്ദ്രാ

തദധരപാന രഭസകൃതതന്ദ്രാ

ചഞ്ചലകുണ്ഡല ലളിതകപോലാ

മുഖരിതരശന ജഘനഗതിലോലാ

ദയിതവിലോകിത ലജ്ജിതഹസിതാ

ബഹുവിധ കൂജിത രതിരസരസിതാ

വിപുലപുളകപൃഥു വേപഥുഭംഗാ

ശ്വസിതനിമീലിത വികസദനംഗാ

ശ്രമജലകണഭര സുഭഗശരീരാ

പരിപതിതോരസി രതിരണധീരാ

ശ്രീജയദേവഭണിതഹരിരമിതം

കലികലുഷം ജനയതു പരിശമിതം

ശ്ലോകം - നാല്‍പ്പത്തിയൊമ്പത്

വിരഹപാണ്ഡു മുരാരിമുഖാംബുജ

ദ്യുതിരിയം തിരയന്നപി വേദനാം

വിധുരതീവ തനോതി മനോഭുവഃ

സുഹൃദ യേ ഹൃദയേ മദനവ്യഥാം.

അഷ്ടപദി - പതിനഞ്ച്

സമുദിതമദനേ രമണീവദനേ ചുംബനചലിതാധരേ

മൃഗമദതിലകം ലിഖതി സപുളകം മൃഗമിവ രജനീകരേ

രമതേ യമുനപുളിനവനേ വിജയീ മുരാരിരധുനാ

ഘനചയരുചിരേ രചയതി ചികുരേ തരളിത തരുണാനനേ

കുരവകകുസുമം ചപലാ സുഷമം രതിപതിമൃഗകാനനേ

ഘടയതി സുഘനേ കുചയുഗഗഗനേ മൃഗമദരുചിഭൂഷിതേ

മണിസരമമലം താരകപടലം നഖപദശശിഭൂഷിതേ

ജിതവിസശകലേ മൃദുഭുജയുഗളേ കരതലനളിനീദളേ

മരതകവലയം മധുകരനിചയം വിതരതി ഹിമശീതളേ

രതിഗൃഹജഘനേ വിപുലാപഘനേ മനസിജകനകാസനേ

മണിമയരശനംതോരണഹസനം വികിരതികൃതവാസനേ

ചരണകിസലയേ കമലാനിലയേ നഖമണിഗണപൂജിതേ

ബഹിരപവരണം യാവകഭരണം ജനയതി ഹൃദിയോജിതേ

രമയതി സുദൃശം കാമപിസദൃശം ഖലഹലധരസോദരേ

കിമഫലമവസം ചിരമിഹവിരസം വദ സഖിവിടപോദരേ

ഇഹരസഭണേന കൃതഹരിഗുണനേ മധുരിപുപദസേവകേ

കലിയുഗചരിതം നവസതു ദുരിതം കവിനൃപജയദേവകേ

ശ്ലോകം - അമ്പത്

നായതഃസഖി നിര്‍ദ്ദയോ യദി ശഠഃ ത്വം ദൂതി കിം ദൂയസേ

സ്വച്ഛന്ദം ബഹുവല്ലഭഃ സരമതേ കിം തത്രതേ ദൂഷണം

പശ്യാദ്യഃ പ്രിയസംഗമായ ദയിതസ്യാകൃഷ്യമാണം ഗുണൈഃ

ഉല്‍കണ്ഠാര്‍ത്തിഭരാദിവ സ്ഫുടദിദംചേതഃസ്വയം യാസ്യതി

അഷ്ടപദി - പതിനാറ്

അനില തരള കുവലയ നയനേന

തപതി ന സാ കിസലയശയനേന

സഖി യാ രമിതാ വനമാലിനാ

വികസിത സരസിജ ലളിത മുഖേന

സ്ഫുടതി ന സാ മനസിജവിശിഖേന

അമൃത മധുര മൃദുതര വചനേന

ജ്വലതി ന സാ മലയജപവനേന

സ്ഥലജലരുഹരുചികരചരണേന

ലുഠതി ന സാ ഹിമകരകിരണേന

സജലജലദ സമുദയരുചിരേണ

ദളതി ന സാഹൃദി വിരഹഭരേണ

കനക നികഷരുചിശുചിവസനേന

ശ്വസിതി ന സാ പരിജനഹസനേന

സകല ഭുവനജന വരതരുണേന

വഹതി ന സാ രുജമതികരുണേ‍ന

ശ്രീജയദേവഭണിതവചനേന

പ്രവിശതു ഹരിരപി ഹൃദയമനേന

ശ്ലോകം - അമ്പത്തിയൊന്ന്

മനോഭവാനന്ദന! ചന്ദനാനില!

പ്രസീദ മേ ദക്ഷിണ! മുഞ്ച വാമതാം

ക്ഷണം ജഗല്പ്രാണ വിധായമാധവം

പുരോമമ പ്രാണഹരോ ഭവിഷ്യസി

ശ്ലോകം - അമ്പത്തിരണ്ട്

രിപുരിവ സഖീസംവാസോയം ശിഖീവ ഹിമാനിലോ

വിഷമിവ സുധാരശ്മിഃ ദൂരം ദുനോതി മനോഗമം

ഹൃദയമദയേ തസ്മിന്നേവം പുനര്‍വലതേബലാല്‍

കവലയദൃശാം വാമഃ കാമോ നികാമനിരങ്കുശഃ

ശ്ലോകം - അമ്പത്തിമൂന്ന്

ബാധാം വിധേഹി മലയാനില! പഞ്ചബാണ!

പ്രാണാന്‍ ഗൃഹാണ നഗൃഹം പുനരാശ്രയിഷ്യേ

കിം തേ കൃതാന്തഭഗിനി! ക്ഷമയാതരംഗൈഃ

അംഗാനി സിഞ്ച മമ ശ്യാമ്യതുദേഹദാഹഃ

ശ്ലോകം - അമ്പത്തിനാല്

പ്രാതര്‍ന്നീലനിചോളമച്യുതമുരഃസവിത പീതാംബരം

രാധായാശ്ചകിതം വിലോക്യ ഹസതി സ്വൈര്യം സഖീമണ്ഡലേ

വ്രീളാചഞ്ചലമഞ്ചലം നയനയോഃ ആധായ രാധാനനേ

സാധുസ്മേര മുഖോയമസ്തു ജഗദാനന്ദായ നന്ദാത്മജഃ

സര്‍ഗ്ഗം- എട്ട്- വിലക്ഷലക്ഷ്മീപതി

ശ്ലോകം - അമ്പത്തിയഞ്ച്

അഥകഥമപി യാമിനീം വിനീയ

സ്മരശരജര്‍ജ്ജരിതാപി സാപ്രഭാതേ

അനുനയവചനം വദന്തമഗ്രേ

പ്രണതമപി പ്രിയമാഹ സാഭ്യസൂയം.

അഷ്ടപദി - പതിനേഴ്

രജനിജനിതഗുരുജാഗരരാഗകഷായിതമലസനിമേഷം

വഹതി നയനമനുരാഗമിവ സ്ഫുടമുദിതരസാഭിനിവേശം

യാഹി മാധവ യാഹി കേശവ മാ വദ കൈതവവാദം

താമനുസര സരസീരുഹലോചന യാ തവ ഹരതി വിഷാദം

കഞ്ജളമലിനവിലോചനചുംബനവിരചിതനീലിമരൂപം

ദശനവസനമരുണം തവ കൃഷ്ണ തനോതി തനോരനുരൂപം

വപുരനുസരതി തവ സ്മരസംഗരഖരനഖരക്ഷതരേഖം

മരകതശകലകലിതകലധൌതലിപിരേവ രതിജയലേഖം

ചരണകമലഗലദലക്തകസിക്തമിദം തവ ഹൃദയമുദാരം

ദര്‍‍ശയതീവ ബഹിര്‍‍മദനദ്രുമനവകിസലയപരിവാരം

ദശനപദം ഭവദധരഗതം മമ ജനയതി ചേതസി ഖേദം

കഥയതി കഥമധുനാപി മയാ സഹ തവ വപുരേതദഭേദം

ബഹിരിവ മലിനതരം തവ കൃഷ്ണ മനോപി ഭവിഷ്യതി നൂനം

കഥമഥ വഞ്ചയസേ ജനമനുഗതമസമശരജ്വരദൂനം

ഭ്രമതി ഭവാനബലാകവലായ വനേഷു കിമത്ര വിചിത്രം

പ്രഥയതി പൂതനികൈവ വധൂവധനിര്‍‍ദയബാലചരിത്രം

ശ്രീജയദേവഭണിതരതിവഞ്ചിതഖണ്ഡിതയുവതിവിലാപം

ശൃണുത സുധാമധുരം വിബുധാഃ വിബുധാലയതോപി ദുരാപം

ശ്ലോകം - അമ്പത്തിയാറ്

തദേവം പശ്യന്ത്യാഃ പ്രസരദനുരാഗം ബഹിരിവ

പ്രിയാപാദാലക്തച്ഛുരിതമരുണദ്യോതിഹൃദയം

മമാദ്യ പ്രഖ്യാതപ്രണയഭരഭങ്ഗേന കിതവ

ത്വദാലോകഃ ശോകാദപി കിമപി ലജ്ജാം ജനയതി

ശ്ലോകം- അമ്പത്തിയേഴ്

അന്തര്‍മ്മോഹനമൌലിഘൂര്‍ണ്ണനചലന്‍ മന്ദാരവിസ്രംസന

സ്തബ്‌ധാകര്‍ഷണ ലോചനോത്സവ മഹാമന്തരഃ കുരംഗീദൃശാം

ദ്ര്യപ്യദ്ദാനവദൂയമാനദിവിഷദ്ദുര്‍വ്വാരദുഃഖാപദാം

ധ്വംസഃകംസരിപോ പ്രയോപയതു വഃശ്രേയാംസിവംശീരവഃ

ശ്ലോകം- അമ്പത്തിയെട്ട്

താമഥ മന്മഥഖിന്നാം

രതിരസഭിന്നാം വിഷാദസമ്പന്നാം

അനുചിന്തിതഹരിചരിതാം

കലഹാന്തരിതമുവാച സഖീ

അഷ്ടപദി 18

സര്‍ഗ്ഗം -ഒമ്പത്- മന്ദമുകുന്ദഃ

ഹരിരഭിസരതി വഹതി മധുപവനേ

കിമപരമധികസുഖം സഖി ഭുവനേ

മാധവേ മാ കുരു മാനിനി മാനമയേ

താലഫലാദപി ഗുരുമതിസരസം

കിം വിഫലീകുരുഷേ കുചകലശം

കതി ന കഥിതമിദമനുപദമചിരം

മാ പരിഹര ഹരിമതിശയരുചിരം

കിമിതി വിഷീദസി രോദിഷി വികലാ

വിഹസതി യുവതിസഭാ തവ സകലാ

സജലനലിനീദലശീതലശയനേ

ഹരിമവലോക്യ സഫലയ് നയനേ

ജനയസി മനസി കിമിതി ഗുരുഖേദം

ശൃണു മമ വചനമനീഹിതഭേദം

ഹരിരുപയാതു വദതു ബഹുമധുരം

കിമിതി കരോഷി ഹൃദയമതിവിധുരം

ശ്രീജയദേവഭണിതമതിലളിതം

സുഖയതു രസികജനം ഹരിചരിതം

ശ്ലോകം - അമ്പത്തിയൊമ്പത്

സ്നിഗ്ധേ യത്പരുഷാസി യത്പ്രണമതി സ്തബ്ധാസി യദ്രാഗിണി

ദ്വേഷസ്ഥാസി യദുന്മുഖേ വിമുഖതാം യാതാസി തസ്മിന്പ്രിയേ

യുക്തം തദ്വിപരീതകാരിണി തവ ശ്രീഖണ്ഡചര്‍‍ചാ വിഷം

ശീതാംശുസ്തപനോ ഹിമം ഹുതവഹഃ ക്രീഡാമുദോ യാതനാഃ

ശ്ലോകം - അറുപത്

സാന്ദ്രാനന്ദപുരന്ദരാദിദിവിഷദ്വര്‍ന്ദൈരമന്ദാദരാല്‍

ആനമ്രൈഃ മകുടേന്ദ്രനീലമണിഭിസ്സന്ദര്‍ശിതേന്ദീവരം

സ്വച്ഛന്ദം മകരന്ദതുന്ദിലഗളന്മന്ദാകിനീ മേദുരം

ശ്രീഗോവിന്ദപദാരവിന്ദമശുഭസ്കന്ദായ വന്ദാമഹേ.

സര്‍ഗ്ഗം - പത്ത് - മുഗ്ധമാധവഃ

ശ്ലോകം - അറുപത്തിയൊന്ന്

അത്രാന്തരേ മസൃണരോഷവശാമസീമ

നിഃശ്വാസനിഃസഹമുഖീം സുമുഖീമുപേത്യ

സവ്രീഡമീക്ഷിതസഖീവദനാം ദിനാന്തേ

സാനന്ദഗദ്ഗദപദം ഹരിരിത്യുവാച

അഷ്ടപദി  19

വദസി യദി കിംചിദപി ദന്തരുചികൌമുദീ

ഹരതി ദരതിമിരമതിഘോരം

സ്ഫുരദധരസീധവേ തവ വദനചന്ദ്രമാ

രോചയതു ലോചനചകോരം

പ്രിയേ ചാരുശീലേ മുഞ്ച മയിമാനമനിദാനം

സപദി മദനാനലോ ദഹതി മമ മാനസം

ദേഹി മുഖകമലമധുപാനം

പ്രിയേ ചാരുശീലേ

സത്യമേവാസി യദി സുദതി മയി കോപിനീ

ദേഹി ഖരനഖശരഘാതം

ഘടയ ഭുജബന്ധനം ജനയ രദഖണ്ഡനം

യേന വാ ഭവതി സുഖജാതം പ്രിയേ

ത്വമസി മമ ഭൂഷണം ത്വമസി മമ ജീവനം

ത്വമസി ഭവജലധിരത്നം

ഭവതു ഭവതീഹ മയി സതതമനോരോധിനി

തത്ര മമ ഹൃദയമതിരത്നം

നീലനളിനാഭമപി തന്വി തവ ലോചനം

ധാരയതി കോകനദരൂപം

കുസുമശരബാണഭാവേന യദി രഞ്ജയസി

കൃഷ്ണമിദമേതദനുരൂപം

സ്ഫുരതു കുചകുംഭയോരുപരി മണിമഞ്ജരീ

രഞ്ജയതു തവ ഹൃദയദേശം

രസതു രശനാപി തവ ഘനജഘനമണ്ഡലേ

ഘോഷയതു മന്മഥനിദേശം

സ്ഥലകമലഗഞ്ജനം മമ ഹൃദയരഞ്ജനം

ജനിതരതിരങ്ഗപരഭാഗം

ഭണ മസൃണവാണി കരവാണി ചരണദ്വയം

സരസലസദലക്തകരാഗം

സ്മരഗരലഖണ്ഡനം മമ ശിരസി മണ്ഡനം

ദേഹി പദപല്ലവമുദാരം

ജ്വലതി മയി ദാരുണോ മദനകദനാരുണോ

ഹരതു തദുപാഹിതവികാരം

ഇതി ചടുലചാടുപടുചാരു മുരവൈരിണോ

രാധികാമധി വചനജാതം

ജയതി പദ്മാവതീരമണജയദേവകവി

ഭാരതീഭണിതമതിശാതം

ശ്ലോകം - അറുപത്തിരണ്ട്

പരിഹര കൃതാതങ്കേ ശങ്കാം ത്വയാ സതതം ഘന-

സ്തനജഘനയാക്രാന്തേ സ്വാന്തേ പരാനവകാശിനി

വിശതി വിതനോരന്യോ ധന്യോ ന കോപി മമാന്തരം

സ്തനഭരപരീരമ്ഭാരമ്ഭേ വിധേഹി വിധേയതാം

ശ്ലോകം - അറുപത്തിമൂന്ന്

വ്യഥയതി വൃഥാ മൌനം തന്വി പ്രപഞ്ചയ പഞ്ചമം

തരുണീ മധുരാലാപൈസ്താപം വിനോദയ ദൃഷ്ടിഭിഃ

സുമുഖി വിമുഖീഭാവം താവദ്വിമുഞ്ച ന മുഞ്ച മാം

സ്വയമതിശയസ്നിഗ്ധോ മുഗ്ധേ പ്രിയോയമുപസ്ഥിതഃ

ശ്ലോകം - അറുപത്തിനാല്

മുഗ്ധേ വിധേഹി മയി നിര്‍‍ദയദന്തദംശ-

ദോര്‍‍വല്ലിബന്ധനിബിഡസ്തനപീഡനാനി

ചണ്ഡി ത്വമേവ മുദമഞ്ചയപഞ്ചബാണ

ചണ്ഡാലകാണ്ഡദലനാദസവഃ പ്രയാന്തി

ശ്ലോകം - അറുപത്തിയഞ്ച്

ബന്ധൂകദ്യുതിബാന്ധവോയമധരഃ സ്നിഗ്ധോ മധൂകച്ഛവിര്‍-

‍ഗണ്ഡശ്ചണ്ഡി ചകാസ്തു നീലനളിനശ്രീമോചനം ലോചനം

നാസാഭ്യേതി തിലപ്രസൂനപദവീം കുന്ദാഭദാന്തി പ്രിയേ

പ്രായസ്ത്വന്മുഖസേവയാ വിജയതേ വിശ്വം സ പുഷ്പായുധഃ

ശ്ലോകം - അറുപത്തിയാറ്

ദൃശൌ തവ മദാലസേ വദനമിന്ദുമത്യാന്വിതം

ഗതിര്‍‍ജനമനോരമാ വിധുതരംഭമൂരുദ്വയം

രതിസ്തവ കലാവതീ രുചിരചിത്രലേഖേ ഭ്രുവാ-

വഹോ വിബുധയൌവനം വഹസി തന്വീ പൃഥ്വീഗതാ

അഷ്ടപദി - ഇരുപത്

വിരചിതചാടുവചനരചനം ചരണേ രചിതപ്രണിപാതം

സംപ്രതി മഞ്ജുലവഞ്ജുലസീമനി കേളിശയനമനുയാതം

മുഗ്ധേ മധുമഥനമനുഗതമനുസര രാധികേ

ഘനജഘനസ്തനഭാരഭരേ ദരമന്ഥരചരണവിഹാരം

മുഖരിതമണീമഞ്ജീരമുപൈഹി വിധേഹി മരാലവികാരം

ശൃണു രമണീയതരം തരുണീജനമോഹനമധുപവിരാവം

കുസുമശരാസനശാസനബന്ദിനി പികനികരേ ഭജ ഭാവം

അനിലതരലകിസലയനികരേണ കരേണ ലതാനികുരുംബം

പ്രേരണമിവ കരഭോരു കരോതി ഗതിം പ്രതിമുഞ്ച വിളംബം

സ്ഫുരിതമനങ്ഗതരങ്ഗവശാദിവ സൂചിതഹരിപരിരംഭം

പൃച്ഛ മനോഹരഹാരവിമലജലധാരമമും കുചകുംഭം

അധിഗതമഖിലസഖീഭിരിദം തവ വപുരപി രതിരണസജ്ജം

ചണ്ഡി രസിതരശനാരവഡിണ്ഡിമമഭിസര സരസമലജ്ജം

സ്മരശരസുഭഗനഖേന കരേണ സഖീമവലമ്ബ്യ സലീലം

ചല വലയക്വണീതൈരവബോധയ ഹരമപി നിജഗതിശീലം

ശ്രീജയദേവഭണിതമധരീകൃതഹാരമുദാസിതവാമം

ഹരിവിനിഹിതമനസാമധിതിഷ്ഠതു കണ്ഠതടീമവിരാമം

ശ്ലോകം - എഴുപത്

സാ മാം ദ്രക്ഷ്യതി വക്ഷ്യതി സ്മരകഥാം പ്രത്യങ്ഗമാലിങ്ഗനൈഃ

പ്രീതിം യാസ്യതി രമ്യതേ സഖി സമാഗത്യേതി ചിന്താകുലഃ

സ ത്വാം പശ്യതി വേപതേ പുലകയത്യാനന്ദതി സ്വിദ്യതി

പ്രത്യുദ്ഗച്ഛതി മൂര്‍‍ച്ഛതി സ്ഥിരതമഃപുഞ്ജേ നികുഞ്ജേ പ്രിയഃ

ശ്ലോകം - എഴുപത്തിയൊന്ന്

അക്ഷ്ണോര്‍‍നിക്ഷിപദഞ്ജനം ശ്രവണയോസ്താപിച്ഛഗുച്ഛാവലീം

മൂര്‍‍ധ്നി ശ്യാമസരോജദാമ കുചയോഃ കസ്തൂരികാപാത്രകം

ധൂര്‍‍താനാമഭിസാരസത്വരഹൃദാം വിഷ്വങ്നികുഞ്ജേ സഖി

ധ്വാന്തം നീലനിചോലചാരു സദൃശാം പ്രത്യങ്ഗമാലിങ്ഗതി

ശ്ലോകം - എഴുപത്തിരണ്ട്

കാശ്മീരഗൌരവപുഷാമഭിസാരികാണാം

ആബദ്ധരേഖമഭിതോ രുചിമഞ്ജരീഭിഃ

ഏതത്തമാലദലനീലതമം തമിശ്രം

തത്പ്രേമഹേമനികഷോപലതാം തനോതി.

ശ്ലോകം - എഴുപത്തിമൂന്ന്

ഹാരാവലീതരലകാഞ്ചനകാഞ്ചിദാമ-

കേയൂരകങ്കണമണിദ്യുതിദീപിതസ്യ

ദ്വാരേ നികുഞ്ജനിലയസ്യഹരിം നിരീൿഷ്യ

വ്രീഡാവതീമഥ സഖീ നിജഗാഹ രാധാ

അഷ്ടപദി- 21

മഞ്ജുതരകുഞ്ജതലകേളിസദനേ വിലസ

രതിരഭസഹസിതവദനേ പ്രവിശ,

രാധേ മാധവസമീപം

നവഭവദശോകദലശയനസാരേ

വിലസ കുചകലശതരലഹാരേ

കുസുമചയരചിതശുചിവാസഗേഹേ

വിലസ കുസുമസുകുമാരദേഹേ

ചലമലയമൃദു പവനസുരഭിശീതേ

വിലസ മദനശരനികര ഭീതേ

വിതത ബഹുവല്ലിനവപല്ലവഘനേ

വിലസ ചിരമലസപീനജഘനേ

മധുമുദിതമധുപകുലകലിതരാവേ

വിലസ മദനരസസരസഭാവേ

മധുതരലപികനികരനിനദമുഖരേ

വിലസ ദശനരുചിവിജിതശിഖരേ

വിഹിതപദ്മാവതീസുഖസമാജേ

ഭണതി ജയദേവകവിരാജേ

കുരു മുരാരേ മംഗളശതാനി

ശ്ലോകം - എഴുപത്തിനാല്

ത്വാം ചിത്തേന ചിരം വഹന്നയമതിശ്രാന്തോ ഭൃശം താപിതഃ

കന്ദര്‍‍പേണ തു പാതുമിച്ഛതി സുധാസംബാധബിംബാധരം

അസ്യാങ്ഗം തദലംകുരു ക്ഷണമിഹ ഭ്രൂക്ഷേപലക്ഷ്മീലവ-

ക്രീതേ ദാസ ഇവോപസേവിതപദാമ്‌ഭോജേ കുതഃ സംഭ്രമഃ

ശ്ലോകം - എഴുപത്തിയഞ്ച്

സാ സസാധ്വസസാനന്ദം ഗോവിന്ദേ ലോലലോചനാ

സിഞ്ജാനമഞ്ജുമഞ്ജീരം പ്രവിവേശ നിവേശനം

അഷ്ടപദി 22

രാധാവദനവിലോകനവികസിതവിവിധവികാരവിഭങ്ഗം ।
ജലനിധിമിവ വിധുമണ്‍ഡലദര്‍ശനതരലിതതുങ്ഗതരങ്ഗം ॥

ഹരിമേകരസം ചിരമഭിലഷിതവിലാസം
സാ ദദാര്‍ശ ഗുരുഹര്‍ഷവശംവദവദനമനങ്ഗനിവാസം ॥ 1 ॥

ഹാരമമലതരതാരമുരസി ദധതം പരിരഭ്യ വിദൂരം ।
സ്ഫുടതരഫേനകദംബകരംബിതമിവ യമുനാജലപൂരം ॥ 2 ॥

ശ്യാമലമൃദുലകലേവരമണ്ഡലമധിഗതഗൗരദുകൂലം ।
നീലനലിനമിവ പീതപരാഗപതലഭരവലയിതമൂലം ॥ 3 ॥

തരലദൃഗഞ്ചലചലനമനോഹരവദനജനിതരതിരാഗം ।
സ്ഫുടകമലോദരഖേലിതഖഞ്ജനയുഗമിവ ശരദി തഡാഗം ॥ 4 ॥

വദനകമലപരിശീലനമിലിതമിഹിരസമകുണ്ഡലശോഭം ।
സ്മിതരുചിരുചിരസമുല്ലസിതാധരപല്ലവകൃതരതിലോഭം ॥ 5 ॥

ശശികിരണച്ഛുരിതോദരജലധരസുന്ദരസകുസുമകേശം ।
തിമിരോദിതവിധുമണ്ഡലനിര്‍മലമലയജതിലകനിവേശം ॥ 6 ॥

വിപുലപുലകഭരദന്തുരിതം രതികേലികലാഭിരധീരം ।
മണിഗണകിരണസമൂഹസമുജ്ജ്വലഭൂഷണസുഭഗശരീരം ॥ 7 ॥

ശ്രീജയദേവഭണിതവിഭവദ്വിഗുണീകൃതഭൂഷണഭാരം ।
പ്രണമത ഹൃദി സുചിരം വിനിധായ ഹരിം സുകൃതോദയസാരം ॥ 8 ॥


അതിക്രമ്യാപാങ്ഗം ശ്രവണപഥപര്യന്തഗമന
പ്രയാസേനേവാക്ഷ്ണോസ്തരലതരതാരം പതിതയോഃ ।
ഇദാനീം രാധായാഃ പ്രിയതമസമാലോകസമയേ
പപാത സ്വേദാംഭഃ പ്രസര ഇവ ഹര്‍ഷാശ്രുനികരഃ ॥ 66 ॥

ഭവന്ത്യാസ്തല്പാന്തം കൃതകപടകണ്ഡൂതിപിഹിത
സ്മിതം യാതേ ഗേഹാദ്ബഹിരവഹിതാലീപരിജനേ ।
പ്രിയാസ്യം പശ്യന്ത്യാഃ സ്മരശരസമാകൂതസുഭഗം
സലജ്ജാ ലജ്ജാപി വ്യഗമദിവ ദൂരം മൃഗദൃശഃ ॥ 67 ॥

॥ ഇതി ശ്രീഗീതഗോവിന്ദേ രാധികാമിലനേ സാനന്ദദാമോദരോ നാമൈകാദശഃ സര്‍ഗഃ ॥

അഷ്ടപദി 23  

॥ ദ്വാദശഃ സര്‍ഗഃ ॥
॥ സുപ്രീതപീതാമ്ബരഃ ॥

ഗതവതി സഖീവൃന്ദേഽമന്ദത്രപാഭരനിര്‍ഭര-
സ്മരപരവശാകൂതസ്ഫീതസ്മിതസ്നപിതാധരം ।
സരസമനസം ദൃഷ്ട്വാ രാധാം മുഹുര്‍നവപല്ലവ-
പ്രസവശയനേ നിക്ഷിപ്താക്ഷീമുവാച ഹരിഃപ്രിയാം ॥ 68 ॥

॥ ഗീതമ് 23 ॥

കിസലയശയനതലേ കുരു കാമിനി ചരണനലിനവിനിവേശമ് ।
തവ പദപല്‍ലവവൈരിപരാഭവമിദമനുഭവതു സുവേശമ് ॥
ക്ഷണമധുനാ നാരായണമനുഗതമനുസര്‍ രാധികേ ॥ 1 ॥

കരകമലേന്‍ കരോമി ചരണമഹമാഗമിതാസി വിദൂരമ് ।
ക്ഷണമുപകുരു ശയനോപരി മാമിവ നൂപുരമനുഗതിശൂരമ് ॥ 2 ॥

വദനസുധാനിധിഗലിതമമൃതമിവ രചയ് വചനമനുകൂലമ് ।
വിരഹമിവാപനയാമി പയോധരരോധകമുരസി ദുകൂലമ് ॥ 3 ॥

പ്രിയപരിരമ്ഭണരഭസവലിതമിവ പുലകിതമതിദുരവാപമ് ।
മദുരസി കുചകലശം വിനിവേശയ് ശോഷയ് മനസിജതാപമ് ॥ 4 ॥

അധരസുധാരസമുപനയ് ഭാവിനി ജീവയ് മൃതമിവ ദാസമ് ।
ത്വയി വിനിഹിതമനസം വിരഹാനലദഗ്ധവപുഷമവിലാസമ് ॥ 5 ॥

ശശിമുഖി മുഖരയ് മണിരശനാഗുണമനുഗുണകണ്‍ഠനിദാനമ് ।
ശ്രുതിയുഗലേ പികരുതവികലേ മമ് ശമയ് ചിരാദവസാദമ് ॥ 6 ॥

മാമതിവിഫലരുഷാ വികലീകൃതമവലോകിതമധുനേദമ് ।
മീലിതലജ്ജിതമിവ നയനം തവ വിരമ് വിസൃജ് രതിഖേദമ് ॥ 7 ॥

ശ്രീജയദേവഭണിതമിദമനുപദനിഗദിതമധുരിപുമോദമ് ।
ജനയതു രസികജനേഷു മനോരമതിരസഭാവവിനോദമ് ॥ 8 ॥

മാരങ്കേ രതികേലിസംകുലരണാരംഭേ തയാ സാഹസ-
പ്രായം കാന്തജയായ കിഞ്ചിദുപരി പ്രാരമ്ഭി യത്സംഭ്രമാത് ।
നിഷ്പന്ദാ ജഘനസ്ഥലീ ശിഥിലതാ ദോര്‍വല്ലിരുത്കമ്പിതം
വക്ഷോമീലിതമക്ഷി പൌരുഷരസഃ സ്ത്രീണാം കുതഃ സിധ്യതി ॥ 69 ॥

അഥ കാന്തം രതിക്ലാന്തമപി മണ്ഡനവാഞ്ഛയാ ।
നിജഗാദ നിരാബാധാ രാധാ സ്വാധീനഭര്‍തൃകാ ॥ 70 ॥

അഷ്ടപദി 24

കുരു യദുനന്ദന ചന്ദനശിശിരതരേണ കരേണ പയോധരേ ।
മൃഗമദപത്രകമത്ര മനോഭവമങ്ഗലകലശസഹോദരേ ।
നിജഗാദ സാ യദുനന്ന്ദനേ ക്രീഡതി ഹൃദയാനന്‍ദനേ ॥ 1 ॥

അലികുലഗഞ്ജനമഞ്ജനകം രതിനായകസായകമോചനേ ।
ത്വദധരചുമ്ബനലമ്ബിതകജ്ജലമുജ്ജ്വലയ് പ്രിയ ലോചനേ ॥ 2 ॥

നയനകുരങ്ഗതരങ്ഗവികാസനിരാസകരേ ശ്രുതിമണ്‍ഡലേ ।
മനസിജപാശവിലാസധരേ ശുഭവേശ നിവേശയ് കുണ്‍ഡലേ ॥ 3 ॥

ഭ്രമരചയം രചഹയന്‍തമുപരി രുചിരം സുചിരം മമ് സംമുഖേ ।
ജിതകമലേ വിമലേ പരികര്‍മയ് നര്‍മജനകമലകം മുഖേ ॥ 4 ॥

മൃഗമദരസവലിതം ലലിതം കുരു തിലകമലികരജനീകരേ ।
വിഹിതകലങ്കകലം കമലാനന്‍ വിശ്രമിതശ്രമശീകരേ ॥ 5 ॥

മമ് രുചിരേ ചികുരേ കുരു മാനദ് മാനസജധ്വജചാമരേ ।
രതിഗലിതേ ലലിതേ കുസുമാനി ശിഖണ്‍ഡിശിഖണ്‍ഡകഡാമരേ ॥ 6 ॥

സരസഘനേ ജഘനേ മമ് ശമ്ബരദാരണവാരണകന്‍ദരേ ।
മണിരശനാവസനാഭരണാനി ശുഭാശയ് വാസയ് സുന്‍ദരേ ॥ 7 ॥

ശ്രീജയദേവവചസി രുചിരേ ഹൃദയം സദയം കുരു മണ്‍ഡനേ ।
ഹരിചരണസ്മരണാമൃതകൃതകലികലുഷഭവജ്വരഖണ്‍ഡനേ ॥ 8 ॥

രചയ കുചയോഃ പത്രം ചിത്രം കുരുഷ്വ കപോലയോര്‍-
ഘര്‍ടയ ജഘനേ കാഞ്ചീമഞ്ച സ്രജാ കബരീഭരം ।
കലയ വലയശ്രേണീം പാണൌ പദേ കുരു നൂപുരാ-വിതി നിഗതിതഃ പ്രീതഃ പീതാമ്ബരോഽപി തഥാകരോത് ॥ 71 ॥

യദ്ഗാന്‍ധ്ഗര്‍വകലാസു കൌശലമനുധ്യാനം ച യദ്വൈഷ്ണവം യച്ഛൃങ്ഗാരവിവേകതത്വമപി യത്കാവ്യേഷു ലീലായിതം ।
തത്സര്‍വം ജയദേവപണ്‍ഡിതകവേഃ കൃഷ്ണൈകതാനാത്മനഃ സാനന്‍ദാഃ പരിശോധയന്‍തു സുധിയഃ ശ്രീഗീതഗോവിന്‍ദതഃ ॥ 72 ॥

ശ്രീഭോജദേവപ്രഭവസ്യ രാമാദേവീസുതശ്രീജയദേവകസ്യ ।
പരാശരാദിപ്രിയവര്‍ഗകണ്‍ഠേ ശ്രീഗീതഗോവിന്‍ദകവിത്വമസ്തു ॥ 73 ॥

॥ ഇതി ശ്രീജയദേവകൃതൌ ഗീതഗോവിന്ദേ സുപ്രീതപീതാമ്ബരോ നാമ ദ്വാദശഃ സര്‍ഗഃ ॥
॥ ഇതി ഗീതഗോവിന്‍ദം സമാപ്തം ॥